मोक्षमार्गस्य नेतारं भेत्तारं कर्मभूभृताम् ।
ज्ञातारं विश्वतत्त्वानां वंदे तद्गुणलब्धये ||
त्रैकाल्यं द्रव्य-षट्कं नव-पद-सहितं जीव-षट्काय-लेश्या: |
पंचान्ये चास्तिकाया व्रत-समिति-गति-ज्ञान-चारित्र-भेदा: ||
इत्येतन्मोक्षमूलं त्रिभुवन-महितै: प्रोक्तमर्हद्भिरीशै: |
प्रत्येति श्रद्धति स्पृशति च मतिमान् य: स वै शुद्धदृष्टि: ||१||
सिद्धे जयप्पसिद्धे चउव्विहाराहणा-फलं पत्ते |
वंदित्ता अरहंते वोच्छं आराहणा कमसो ||२||
उज्जोवणमुज्जवणं णिव्वाहणं साहणं च णिच्छरणं |
दंसण-णाण-चरित्तं तवाणमाराहणा भणिया ||३||
सम्यग्दर्शन-ज्ञान-चारित्राणि मोक्षमार्ग: |१|
तत्त्वार्थश्रद्धानं सम्यग्दर्शनम् |२|
तन्निसर्गादधिगमाद्वा |३|
जीवाजीवास्रव- बन्ध-संवर-निर्जरा-मोक्षास्तत्त्वम् |४|
नाम-स्थापना-द्रव्य- भावतस्तन्न्यास: |५|
प्रमाणनयैरधिगम: |६|
निर्देश- स्वामित्व-साधनाधिकरण-स्थिति-विधानत: |७|
सत्संख्या- क्षेत्र-स्पर्शन-कालान्तर-भावाल्पबहुत्वैश्च |८|
मतिश्रुतावधि- मन:पर्यय-केवलानि ज्ञानम् |९|
तत्प्रमाणे |१०|
आद्ये परोक्षम् |११|
प्रत्यक्षमन्यत् |१२|
मति: स्मृति: संज्ञा चिन्ताऽभिनिबोध इत्यनर्थान्तरम् |१३|
तदिन्द्रियानिन्द्रिय-निमित्तम् |१४|
अवग्रहेहावाय-धारणा: |१५|
बहु-बहुविध- क्षिप्रानि:सृतानुक्त-ध्रुवाणां सेतराणाम् |१६|
अर्थस्य |१७|
व्यंजनस्यावग्रह: |१८|
न चक्षुरनिन्द्रियाभ्याम् |१९|
श्रुतं मतिपूर्वं द्वयनेकद्वादशभेदम् |२०|
भवप्रत्ययोऽवधिर्देव- नारकाणाम् |२१|
क्षयोपशमनिमित्त: षड्विकल्प: शेषाणाम् |२२|
ऋजु-विपुलमती मन:पर्यय: |२३|
विशुद्ध्यप्रतिपाताभ्यां तद्विशेष: |२४|
विशुद्धि-क्षेत्र-स्वामि-विषयेभ्योऽवधि-मन:पर्यययो: |२५|
मति-श्रुतयोर्निबन्धो द्रव्येष्वसर्व-पर्यायेषु |२६|
रूपिष्ववधे: |२७|
तदनन्तभागे मन:पर्ययस्य |२८|
सर्व-द्रव्य-पर्यायेषु केवलस्य |२९|
एकादीनि भाज्यानि युगपदेकस्मिन्नाचतुर्य् : |३०|
मति-श्रुतावधयो विपर्ययश्च |३१|
सदसतोरविशेषाद्यदृच्छोपलब्धेरुन्मत्तवत् |३२|
नैगम-संग्रह-व्यवहारर्जुसूत्र-शब्द-समभिरूढैवंभूता नया: |३३|
।। इति तत्त्वार्थसूत्रे मोक्षशास्त्रे प्रथमोऽध्याय: ।।१।।
औपशमिक-क्षायिकौ भावौ मिश्रश्च जीवस्य स्वतत्त्वमौदयिक पारिणामिकौ च |१|
द्वि-नवाष्टादशैकविंशति-त्रिभेदा यथाक्रमम् |२|
सम्यक्त्व-चारित्रे |३|
ज्ञान-दर्शन-दान-लाभ- भोगोपभोग-वीर्याणि च |४|
ज्ञानाज्ञान-दर्शन-लब्ध्यश्चतुस्त्रि-त्रि-पंचभेदा: सम्यक्त्व-चारित्र-संयमासंयमाश्च |५|
गति-कषाय-लिंग-मिथ्यादर्शनाज्ञानासंयतासिद्धलेश्याश्चतुश्चतु- स्त्र्येकैकैकैक-षड्भेदा: |६|
जीव भव्याभव्यत्वानि च |७|
उपयोगो लक्षणम् |८|
स द्विविधोऽष्टचतुर्भेद: |९|
संसारिणो मुक्ताश्च |१०|
समनस्काऽमनस्का: |११|
संसारिणस्त्रस-स्थावरा: |१२|
पृथिव्यप्तेजो-वायु-वनस्पतय: स्थावरा: |१३|
द्वीन्द्रियादयस्त्रसा: |१४|
पंचेन्द्रियाणि |१५|
द्विविधानि |१६|
निर्वृत्युपकरणे द्रव्येन्द्रियम् |१७|
लब्ध्युपयोगौ भावेन्द्रियम् |१८|
स्पर्शन-रसन-घ्राण-चक्षु:-श्रोत्राणि |१९|
स्पर्श-रस-गन्ध-वर्ण-शब्दास्तदर्था: |२०|
श्रुतमनिन्द्रियस्य |२१|
वनस्पत्यन्तानामेकम् |२२|
कृमि-पिपीलिका-भ्रमर-मनुष्यादीनामेकैकवृद्धानि |२३|
संज्ञिन: समनस्का: |२४|
विग्रहगतौ कर्मयोग: |२५|
अनुश्रेणि गति: |२६|
अविग्रहा जीवस्य |२७|
विग्रहवती च संसारिण: प्राक् चतुर्भ्य: |२८|
एकसमयाऽविग्रहा |२९|
एकं द्वौ त्रीन्वानाहारक: |३०|
संमूर्च्छन-गर्भोपपादाजन्म |३१|
सचित्त-शीत-संवृता: सेतरा मिश्राश्चैकशस्तद्योनय: |३२|
जरायुजाण्डज-पोतानां गर्भ: |३३|
देवनारकाणामुपपाद: |34|
शेषाणां सम्मूर्च्छनम् |३५|
औदारिक-वैक्रियिकाहारक-तैजस-कार्मणानि शरीराणि |३६|
परं परं सूक्ष्मम् |३७|
प्रदेशतोऽसंख्येयगुणं प्राक् तैजसात् |३८|
अनन्तगुणे परे |३९|
अप्रतीघाते |४०|
अनादिसम्बन्धे च |४१|
सर्वस्य |४२|
तदादीनि भाज्यानि युगपदेकस्मिन्नाचतुर्भ्य: |४३|
निरुपभोगमन्त्यम् |४४|
गर्भसंमूर्च्छनजमाद्यम् |४५|
औपपादिकं वैक्रियिकम् |४६|
लब्धिप्रत्ययं च |४७|
तैजसमपि |४८|
शुभं विशुद्धमव्याघाति चाहारकं प्रमत्तसंयतस्यैव |४९|
नारक-सम्मूर्च्छिनो नपुंसकानि |५०|
न देवा: |५१|
शेषास्त्रिवेदा: |५२|
औपपादिक-चरमोत्तम-देहासंख्येयवर्षायुषोऽनपवर्त्यायुष: |५३|
।। इति तत्त्वार्थसूत्रे मोक्षशास्त्रे द्वितीयोऽध्याय: ।।२।।
रत्न-शर्करा-बालुका-पंक-धूम-तमो-महातम:प्रभा भूमयो घनाम्बुवाताकाशप्रतिष्ठा: सप्ताधोऽध: |१|
तासु त्रिंशत्पंचविंशति-पंचदश-दश-त्रि-पंचोनैक-नरक-शतसहस्राणि-पंच चैव यथाक्रमम् |२|
नारका नित्याशुभतर लेश्या परिणाम-देह-वेदना-विक्रिया: |३|
परस्परोदीरित-दु:खा: |४|
संक्लिष्टा-सुरोदीरित-दु:खाश्च प्राक् चतुर्यावि: i|५|
तेष्वेक-त्रि-सप्त-दश-सप्तदश-द्वाविंशति-त्रयस्त्रिंशत्सागरोपमा सत्त्वानां परा स्थिति: |६|
जंबूद्वीप-लवणोदादय: शुभनामानो द्वीपसमुद्रा: |७|
द्विर्द्विर्विष्कम्भा: पूर्व-पूर्वपरिक्षेपिणो वलयाकृतय: |८|
तन्मध्ये मेरुनाभिर्वृत्तो योजन-शतसहस्र-विष्कम्भो जम्बूद्वीप: |९|
भरत-हैमवत-हरि-विदेह-रम्यक-हैरण्यवतैरावतवर्षा: क्षेत्राणि |१०|
तद्विभाजिन: पूर्वापरायता हिमवन्महाहिमवन्निषधनील-रुक्मिशिखरिणो वर्षधरपर्वता: |११|
हेमार्जुन-तपनीय-वैडूर्य-रजत-हेममया: |१२|
मणिविचित्रपार्श्वा उपरि मूले च तुल्यविस्तारा: |१३|
पद्म-महापद्म-तिगिंछ-केसरि-महापुंडरीक-पुंडरीका ह्रदास्तेषामुपरि |१४|
प्रथमो योजन-सहस्रायामस्तदर्द्धविष्कम्भो ह्रद: |१५|
दश-योजनावगाह: |१६|
तन्मध्ये योजनं पुष्करम् |१७|
तद्द्विगुण-द्विगुणा ह्रदा: पुष्कराणि च |१८|
तन्निवासिन्यो देव्य: श्री-ह्री-धृति-कीर्ति-बुद्धि-लक्ष्म्य: पल्योपमस्थितय: ससामानिकपरिषत्का: |१९|
गंगा-सिन्धु-रोहिद्रोहितास्या-हरिद्धरिकान्ता सीता-सीतोदा-नारी-नरकान्ता-सुवर्ण-रुप्यकूला-रक्ता-रक्तोदा: सरितस्तन्मध्यगा: |२०|
द्वयोर्द्वयो: पूर्वा: पूर्वगा: |२१|
शेषास्त्वपरगा: |२२|
चतुर्दश-नदी-सहस्र-परिवृता गंगा-सिन्ध्वादयो नद्य: |२३|
भरत: षड्विंश-पंच-योजन-शत-विस्तार: षट् चैकोनविंशति-भागा योजनस्य |२४|
तद् द्विगुण-द्विगुण-विस्तारा वर्षधर-वर्षा विदेहान्ता: |२५|
उत्तरा दक्षिण-तुल्या: |२६|
भरतैरावतयोर्वद्धिह्रासौ षट्समयाभ्यामुत्सर्पिण्यवसर्पिणीभ्याम् |२७|
ताभ्यामपरा भूमयोऽवस्थिता: |२८|
एक-द्वि-त्रि-पल्योपम-स्थितयो हैमवतक-हारिवर्षक-दैवकुरवका: |२९|
तथोत्तरा: |३०|
विदेहेषु संख्येयकाला: |३१|
भरतस्य विष्कम्भो जम्बूद्वीपस्य नवतिशतभाग: |३२|
द्विर्धातकीखंडे |३३|
पुष्करार्द्धे च |34|
प्राड़्मानुषोत्तरान्मनुष्या: |३५|
आर्या म्लेच्छाश्च |३६|
भरतैरावत-विदेहा: कर्मभूमयोऽन्यत्र देवकुरूत्तरकुरुभ्य: |३७|
नृस्थिती परावरे त्रिपल्योपमान्तर्मुहूर्ते |३८|
तिर्यग्योनिजानां च |३९|
।। इति तत्त्वार्थसूत्रे मोक्षशास्त्रे तृतीयोऽध्याय: ।।३।।
देवाश्चतुर्णिकाया: |१|
आदितस्त्रिषु पीतान्तलेश्या: |२|
दशाष्ट-पंच-द्वादशविकल्पा: कल्पोपपन्नपर्यन्ता: |३|
इन्द्र-सामानिक-त्रायस्त्रिंश-पारिषदात्मरक्ष-लोकपालानीक-प्रकीर्णकाभियोग्य किल्विषिकाश्चैकश: |४|
त्रायस्त्रिंशलोकपालवर्याik व्यन्तरज्योतिष्का: |५|
पूर्वयोर्द्वीन्द्रा: |६|
कायप्रवीचारा आ ऐशानात् |७|
शेषा: स्पर्श-रूप-शब्द-मन: प्रवीचारा: |८|
परेऽप्रवीचारा: |९|
भवनवासिनोऽसुर-नाग-विद्युत्सुपर्णाग्नि-वात-स्तनितोदधि-द्वीप-दिक्कुमारा: |१०|
व्यन्तरा: किन्नर-किंपुरुष-महोरग-गन्धर्व-यक्ष-राक्षस-भूत-पिशाचा: |११|
ज्योतिष्का: सूर्याचन्द्रमसौ ग्रह-नक्षत्र-प्रकीर्णक-तारकाश्च |१२|
मेरुप्रदक्षिणा नित्यगतयो नृलोके |१३|
तत्कृत: काल-विभाग: |१४|
बहिरवस्थिता: |१५|
वैमानिका: |१६|
कल्पोपपन्ना: कल्पातीताश्च |१७|
उपर्युपरि |१८|
सौधर्मैशान-सानत्कुमार-माहेन्द्र-ब्रह्म-ब्रह्मोत्तर-लान्तव-कापिष्ठ-शुक्र-महाशुक्र-शतार-सहस्रारेष्वानत-प्राणतयोरारणाच्युतयोर्नवसु ग्रैवेयकेषु विजय-वैजयन्त-जयन्तापराजितेषु सर्वार्थसिद्धौ च |१९|
स्थिति-प्रभाव-सुख-द्युति-लेश्या-विशुद्धीन्द्रियावधि-विषयतोऽधिका: |२०|
गति-शरीर-परिग्रहाभिमानतो हीना: |२१|
पीत-पद्म-शुक्ल-लेश्या द्वि-त्रि-शेषेषु |२२|
प्राग्ग्रैवेयकेभ्य: कल्पा: |२३|
ब्रह्मलोकालया लौकान्तिका: |२४|
सारस्वतादित्य-वह्न्यरुण-गर्दतोय-तुषिताव्याबाधारिष्टाश्च |२५|
विजयादिषु द्विचरमा: |२६|
औपपादिक-मनुष्येभ्य: शेषास्तिर्यग्योनय: |२७|
स्थितिरसुर-नाग-सुपर्ण-द्वीप-शेषाणां सागरोपम-त्रिपल्योपमार्द्धहीनमिता: |२८|
सौधर्मैशानयो: सागरोपमेऽधिके |२९|
सानत्कुमार-माहेन्द्रयो: सप्त |३०|
त्रि-सप्त-नवैकादश-त्रयोदश-पंचदशभिरधिकानि तु |३१|
आरणाच्युतादूर्व्nमेकैकेन नवसु ग्रैवेयकेषु विजयादिषु सर्वार्थसिद्धौ च |३२|
अपरा पल्योपममधिकम् |३३|
परत: परत: पूर्वापूर्वाऽनन्तरा |३४|
नारकाणां च द्वितीयादिषु |३५|
दशवर्षसहस्राणि प्रथमायाम् |३६|
भवनेषु च |३७|
व्यन्तराणां च |३८|
परा पल्योपममधिकम् |३९|
ज्योतिष्काणां च |४०|
तदष्टभागोऽपरा |४१|
लौकान्तिकानामष्टौ सागरोपमाणि सर्वेषाम् ||४२||
।। इति तत्त्वार्थसूत्रे मोक्षशास्त्रे चतुर्थोऽध्याय: ।।४।।
अजीवकाया धर्माधर्माकाशपुद्गला: |१|
द्रव्याणि |२|
जीवाश्च |३|
नित्यावस्थितान्यरूपाणि |४|
रूपिण: पुद्गला: |५|
आ आकाशादेकद्रव्याणि |६|
निष्क्रियाणि च |७|
असंख्येया: प्रदेशा धर्माधर्मैकजीवानाम् |८|
आकाशस्यानन्ता: |९|
संख्येयासंख्येयाश्च पुद्गलानाम् |१०|
नाणो: |११|
लोकाकाशेऽवगाह: |१२|
धर्माधर्मयो: कृत्स्ने |१३|
एकप्रदेशादिषु भाज्य: पुद्गलानाम् |१४|
असंख्येय भागादिषु जीवानाम् |१५|
प्रदेशसंहार-विसर्पाभ्यां प्रदीपवत् |१६|
गति-स्थित्युपग्रहौ धर्माधर्मयोरुपकार: |१७|
आकाशस्यावगाह: |१८|
शरीर-वाड़्-मन:-प्राणापाना: पुद्गलानाम् |१९|
सुख-दु:ख-जीवितमरणोपग्रहाश्च |२०|
परस्परोग्रहो जीवानाम् |२१|
वर्तना-परिणाम-क्रिया: परत्वापरत्वे च कालस्य |२२|
स्पर्श-रस-गन्ध-वर्णवन्त: पुद्गला: |२३|
शब्द-बन्ध-सौक्ष्म्य-स्थौल्य-संस्थान-भेद-तमश्छायातपोद्योतवन्तश्च |२४|
अणव: स्कन्धाश्च |२५|
भेद-संघातेभ्य: उत्पद्यन्ते |२६|
भेदादणु: |२७|
भेद-संघाताभ्यां चाक्षुष: |२८|
सद् द्रव्य-लक्षणम् |२९|
उत्पाद-व्यय-ध्रौव्य-युक्तं सत् |३०|
तद्भावाव्ययं नित्यम् |३१|
अर्पितानर्पितसिद्धे: |३२|
स्निग्ध-रूक्षत्वाद् बन्ध: |३३|
न जघन्यगुणानाम् |३४|
गुणसाम्ये सदृशानाम् |३५|
द्वयधिकादि-गुणानां तु |३६|
बन्धेऽधिकौ पारिणामिकौ च |३७|
गुणपर्ययवद् द्रव्यम् |३८|
कालश्च |३९|
सोऽनन्तसमय: |४०|
द्रव्याश्रया निर्गुणा गुणा: |४१|
तद्भाव: परिणाम: |४२|
।। इति तत्त्वार्थसूत्रे मोक्षशास्त्रे पंचमोऽध्याय: ।।५।।
काय-वाड़्-मन: कर्मयोग: |१|
स आस्रव: |२|
शुभ: पुण्यस्याशुभ: पापस्य |३|
सकषायाकषाययो: साम्परायिकेर्यापथयो: |४|
इन्द्रिय-कषायाव्रत-क्रिया: पंच-चतु:-पंच-पंचविंशतिसंख्या: पूर्वस्य भेदा: |५|
तीव्र-मन्द-ज्ञाताज्ञात-भावाधिकरण-वीर्य-विशेषेभ्यस्तद्विशेष: |६|
अधिकरणं जीवाजीवा: |७|
आद्यं संरम्भ-समारम्भारम्भ-योग-कृत-कारितानुमत-कषाय-विशेषैस्त्रिस्त्रिस्त्रिश्चतुश्चैकश: |८|
निर्वर्तना-निक्षेप-संयोग-निसर्गा द्वि-चतुर्द्वित्रिभेदा: परम् |९|
तत्प्रदोष-निह्नव- मात्सर्यान्तरायासादनोपघाता ज्ञान-दर्शनावरणयो: |१०|
दु:ख-शोक-तापाक्रन्दन-वध-परिदेवनान्यात्म-परोभयस्थान्यसद्वेद्यस्य |११|
भूत-व्रत्यनुकम्पा-दान-सरागसंयमादि-योग:क्षांति: शौचमिति सद्वेद्यस्य |१२|
केवलि-श्रुत-संघ-धर्म-देवावर्णवादो दर्शनमोहस्य |१३|
कषायोदयात्तीव्रपरिणामश्चारित्रमोहस्य |१४|
बह्वारम्भपरिग्रहत्वं नारकस्यायुष: |१५|
माया तैर्यग्योनस्य |१६|
अल्पारम्भ-परिग्रहत्वं मानुषस्य |१७|
स्वभावमार्दवं च |१८|
नि:शील-व्रतत्वं च सर्वेषाम् |१९|
सरागसंयम-संयमासंयमाकाम-निर्जरा-बालतपांसि दैवस्य |२०|
सम्यक्त्वं च |२१|
योगवक्रता विसंवादनं चाशुभस्य नाम्न: |२२|
तद्विपरीतं शुभस्य |२३|
दर्शन-विशुद्धिर्विनयसम्पत्रता-शीलव्रतेष्वनतीचारोऽभीक्ष्णज्ञानोपयोग-संवेगौ-शक्तितस्त्याग-तपसी-साधुसमाधिर्वैयावृत्यकरणमर्हदाचार्य-बहुश्रुत-प्रवचनभक्तिरावश्यका -परिहाणिर्मार्गप्रभावना-प्रवचनवत्सलत्वमिति तीर्थंकरत्वस्य |२४|
परात्म-निन्दा-प्रशंसे सदसद्गुणोच्छादनोद्भावने च नीचैर्गोत्रस्य |२५|
तद्विपर्ययो नीचैर्वृत्त्यनुत्सेकौ चोत्तरस्य |२६|
विघ्नकरणमन्तरायस्य |२७|
।। इति तत्त्वार्थसूत्रे मोक्षशास्त्रे षष्ठोऽध्याय: ।।६।।
हिंसाऽनृतस्तेयाब्रह्मपरिग्रहेभ्यो विरतिर्व्रतम् |१|
देश-सर्वतोऽणुमहती |२|
तत्स्थैर्यार्थं भावना: पंच पंच |३|
वाङ्मनोगुप्तीर्यादाननिक्षेपण-समित्यालोकितपान-भोजनानि पंच |४|
क्रोध-लोभ-भीरुत्व-हास्य-प्रत्याख्यानान्यनुवीचिभाषणं च पंच |५|
शून्यागार-विमोचितावास-परोपरोधाकरण-भैक्ष्यशुद्धि- सद्धर्माविसंवादा: पञ्च |६|
स्त्रीरागकथाश्रवण-तन्मनोहरांगनिरीक्षण-पूर्वरतानुस्मरण-वृष्येष्टरस-स्वशरीरसंस्कार-त्यागा: पञ्च |७|
मनोज्ञामनोज्ञेन्द्रियविषय-राग-द्वेषवर्जनानि पञ्च |८|
हिंसादिष्विहामुत्रापायावद्यदर्शनम् |९|
दु:खमेव वा |१०|
मैत्री-प्रमोद-कारुण्य-माध्यस्थानि च सत्त्व-गुणाधिक-क्लिश्यमानाविनेयेषु |११|
जगत्कायस्वभावौ वा संवेग-वैराग्यार्थम् |१२|
प्रमत्तयोगात्प्राणव्यपरोपणं हिंसा |१३|
असदभिधानमनृतम् |१४|
अदत्तादानं स्तेयम् |१५|
मैथुनमब्रह्म |१६|
मूर्छाah परिग्रह: |१७|
नि:शल्यो व्रती |१८|
अगार्यनगारश्च |१९|
अणुव्रतोऽगारी |२०|
दिग्देशानर्थदण्डविरति-सामायिक-प्रोषधोपवासोपभोग-परिभोगपरिमाणातिथिसंविभागव्रत-सम्पन्नश्च |२१|
मारणान्तिकीं सल्लेखनां जोषिता |२२|
शंका-कांक्षा-विचिकित्साऽन्यदृष्टिप्रशंसा-संस्तवा: सम्यग्दृष्टेरतीचारा: |२३|
व्रतशीलेषु पञ्च पञ्च यथाक्रमम् |२४|
बन्ध-वधच्छेदातिभारारोपणान्नपाननिरोधा: |२५|
मिथ्योपदेश-रहोभ्याख्यान-कूटलेखक्रिया-न्यासापहार-साकारमन्त्रभेदा: |२६|
स्तेनप्रयोग-तदाहृतादान-विरुद्धराज्यातिक्रम-हीनाधिकमानोन्मान-प्रतिरूपकव्यवहारा: |२७|
परविवाहकरणेत्वरिका-परिगृहीतापरिगृहीतागमनानंगक्रीडा-कामतीव्राभिनिवेशा: |२८|
क्षेत्र-वास्तु-हिरण्य-सुवर्ण-धन-धान्य-दासी-दास-कुप्यप्रमाणातिक्रमा: |२९|
ऊर्ध्वाधस्तिर्यग्व्यतिक्रम-क्षेत्रवृद्धि-स्मृत्यंतराधानानि |३०|
आनयन-प्रेष्यप्रयोग-शब्द-रूपानुपात-पुद्गलक्षेपा: |३१|
कन्दर्प-कौत्कुच्य-मौखर्या-समीक्ष्याधिकरणोपभोगपरिभोगानर्थक्यानि |३२|
योग-दुष्प्रणिधानानादर-स्मृत्यनुपस्थानानि |३३|
अप्रत्यवेक्षिताप्रमार्जितोत्सर्गादान-संस्तरोपक्रमणानादर-स्मृत्यनुपस्थानानि |३४|
सचित्त-संबंध-सम्मिश्राभिषव-दु:पक्वाहारा: |३५|
सचित्तनिक्षेपापिधान- परव्यपदेश-मात्सर्यकालातिक्रमा: |३६|
जीवित-मरणाशंसा-मित्रानुराग-सुखानुबन्ध-निदानानि |३७|
अनुग्रहार्थं स्वस्यातिसर्गो दानम् |३८|
विधि-द्रव्य-दातृ-पात्र-विशेषात्तद्विशेष: |३९|
।। इति तत्त्वार्थसूत्रे मोक्षशास्त्रे सप्तमोऽध्याय: ।।७।।
मिथ्यादर्शनाविरति-प्रमाद-कषाय-योगा बन्धहेतव: |१|
सकषायत्वाज्जीव: कर्मणो योग्यान् पुद्गलानादत्ते स बन्ध: |२|
प्रकृति-स्थित्यनुभाग-प्रदेशास्तद्विधय: |३|
आद्यो ज्ञानदर्शनावरण-वेदनीय-मोहनीयायुर्नाम-गोत्रान्तराया: |४|
पञ्च-नव-द्वयष्टाविंशति-चतुर्द्वि-चत्वारिंशद् द्वि-पञ्चभेदा यथाक्रमम् |५|
मति-श्रुतावधि-मन:पर्यय-केवलानाम् |६|
चक्षुरचक्षुरवधि-केवलानां निद्रा-निद्रानिद्रा-प्रचला-प्रचलाप्रचला –स्त्यानगृद्धयश्च |७|
सदसद्वेद्ये |८|
दर्शन-चारित्र-मोहनीयाकषायकषाय-वेदनीयाख्यास्त्रिद्वि-नव-षोडशभेदा: सम्यक्त्व-मिथ्यात्व-तदुभयान्यकषाय-कषायौ हास्य-रत्यरति-शोक-भय-जुगुप्सा-स्त्री-पुन्नपुंसकवेदा अनन्तानु-
बन्ध्यप्रत्याख्यानप्रत्याख्यान-संज्वलन-विकल्पाश्चैकश: क्रोध मान-माया-लोभा: |९|
नारकतैर्यग्योन-मानुष-दैवानि |१०|
गति-जाति-शरीरांगोपांग-निर्माण-बन्धन-संघात-संस्थान- संहनन-स्पर्श-रस-गन्ध-वर्णानुपूर्व्यागुरुलघूपघात-परघातातपोद्योतोच्वा्धस-विहायोगतय: प्रत्येकशरीर-त्रस-सुभग-सुस्वर-शुभ-सूक्ष्म-पर्याप्ति-स्थिरादेय-यश:कीर्ति-सेतराणि तीर्थंकरत्वं च |११|
उच्चैर्नीचैश्च |१२|
दान-लाभ-भोगोपभोग-वीर्याणाम् |१३|
आदितस्तिसृणामंतरायस्य च त्रिंशत्सागरोपम-कोटीकोट्य: परा स्थिति: |१४|
सप्ततिर्मोहनीयस्य |१५|
विंशतिर्नामगोत्रयो: |१६|
त्रयस्त्रिंशत्सागरोपमाण्यायुष: |१७|
अपरा द्वादश मुहूर्ता वेदनीयस्य |१८|
नामगोत्रयोरष्टौ |१९|
शेषाणामन्तर्मुहूर्ता |२०|
विपाकोऽनुभव: |२१|
स यथानाम |२२|
ततश्च निर्जरा |२३|
नामप्रत्यया: सर्वतो योगविशेषात्-सूक्ष्मैकक्षेत्रावगाहस्थिता: सर्वात्मप्रदेशेष्वनन्तानन्तप्रदेशा: |२४|
सद्वेद्य-शुभायुर्नाम-गोत्राणि पुण्यम् |२५|
अतोऽन्यत्पापम् |२६|
em>।। इति तत्वार्थसूत्रे मोक्षशास्त्रे अष्टमोऽध्याय: ।।८।।
आस्रव-निरोध: संवर: |१|
स गुप्ति-समिति-धर्मानुप्रेक्षा-परीषहजय-चारित्रै: |२|
तपसा निर्जरा च |३|
सम्यग्योगनिग्रहो गुप्ति: |४|
ईर्या-भाषैषणादान-निक्षेपोत्सर्गा: समितय: |५|
उत्तमक्षमा-मार्दवार्जव-शौच-सत्य-संयम-तपस्त्यागाकिंचन्य-ब्रह्मचर्याणि धर्म: |६|
अनित्याशरण-संसारैकत्वान्यत्वाशुच्यास्रव-संवर-निर्जरा-लोक-बोधिदुर्लभ-धर्मस्वाख्यातत्त्वानुचिन्तनमनुप्रेक्षा: |७|
मार्गाच्च्यवन-निर्जरार्थं परिषोढव्या: परीषहा: |८|
क्षुत्पिपासा-शीतोष्णदंशमशक-नाग्न्यारति-स्त्री-चर्या-निषद्या-शय्याक्रोश-वध-याचना-ऽलाभ-रोग-तृणस्पर्श-मल-सत्कारपुरस्कार-प्रज्ञाऽज्ञानादर्शनानि |९|
सूक्ष्मसाम्पराय-छद्मस्थवीतरागयोश्चतुर्दश |१०|
एकादश जिने |११|
बादरसाम्पराये सर्वे |१२|
ज्ञानावरणे प्रज्ञाऽज्ञाने |१३|
दर्शनमोहान्तराययोरदर्शनाभौ |१४|
चारित्रमोहे नाग्न्यारति-स्त्री-निषद्याक्रोश-याचना-सत्कारपुरस्कारा: |१५|
वेदनीये शेषा: |१६|
एकादयो भाज्या युगपदेकस्मिन्नैकोनविंशते: |१७|
सामायिकच्छेदोपस्थापना-परिहारविशुद्धि-सूक्ष्मसाम्पराय-यथाख्यातमिति चारित्रम् |१८|
अनशनावमौदर्य-वृत्तिपरिसंख्यान-रसपरित्याग-विविक्तशय्यासन-कायक्लेशा बाह्यं तप: |१९|
प्रायश्चित्त-विनय-वैयावृत्त्य-स्वाध्याय-व्युत्सर्ग-ध्यानान्युत्तरम् |२०|
नव-चतुर्दश-पंचद्विभेदा यथाक्रमं प्राग्ध्यानात् |२१|
आलोचना-प्रतिक्रमण-तदुभय-विवेक-व्युत्सर्ग-तपश्छेद-परिहारोपस्थापना: |२२|
ज्ञान-दर्शन-चारित्रोपचारा: |२३|
आचार्योपाध्याय-तपस्वि-शैक्ष्य-ग्लान-गण-कुल-संघ-साधु-मनोज्ञानाम् |२४|
वाचना-पृच्छनानुप्रेक्षाम्नाय-धर्मोपदेशा: ||२५||
बाह्याभ्यन्तरोपध्यो: |२६|
उत्तमसंहननस्यैकाग्रचिन्तानिरोधो ध्यानमान्तर्मुहूर्तात् |२७|
आर्त्त-रौद्र-धर्य्i-शुक्लानि |२८|
परे मोक्षहेतू |२९|
आर्त्तममनोज्ञस्य संप्रयोगे तद्विप्रयोगाय स्मृति-समन्वाहार: |३०|
विपरीतं मनोज्ञस्य |३१|
वेदनायाश्च |३२|
निदानं च |३३|
तदविरत-देशविरत-प्रमत्तसंयतानाम् |३४|
हिंसाऽनृत-स्तेय-विषयसंरक्षणेभ्यो रौद्रमविरत-देशविरतयो: |३५|
आज्ञापाय-विपाक-संस्थान-विचयाय धर्य्रम् |३६|
शुक्ले चाद्ये पूर्वविद: |३७|
परे केवलिन: |३८|
पृथक्त्वैकत्ववितर्क- सूक्ष्मक्रियाप्रतिपाति-व्युपरतक्रियानिवर्तीनि |३९|
त्र्येकयोग-काय-योगायोगानाम् |४०|
एकाश्रये सवितर्क-वीचारे पूर्वे |४१|
अवीचारं द्वितीयम् |४२|
वितर्क: श्रुतम् |४३|
वीचारोऽर्थ-व्यंजन-योगसंक्रान्ति: |४४|
vसम्यग्दृष्टि-श्रावक-विरतानन्त-वियोजक-दर्शनमोहक्षपकोपशमकोपशान्तमोह-क्षपक- क्षीणमोह-जिना: क्रमशोऽसंख्येयगुण निर्जरा: |४५|पुलाक-बकुश-कुशील-निर्ग्रन्थ-स्नातका निर्गन्था: |४६|
संयम-श्रुत-प्रतिसेवना-तीर्थ-लिंग-लेश्योपपाद-स्थान-विकल्पत: साध्या: |४७|
।। इति तत्वार्थसूत्रे मोक्षशास्त्रे नवमोऽध्याय: ।।९।।
मोहक्षयाज्ज्ञान-दर्शनावरणान्तराय-क्षयाच्च केवलम् |१|
बन्धहेत्वभावनिर्जराभ्यां कृत्स्न-कर्म-विप्रमोक्षो मोक्ष:|२|
औपशमिकादि-भव्यत्वानां च |३|
अन्यत्र केवल-सम्यक्त्व-ज्ञान-दर्शन-सिद्धत्वेभ्य: |४|
तदनन्तरमूर्ध्वं गच्छत्यालोकान्तात् |५|
पूर्वप्रयोगादसंगत्वाद् बन्धच्छेदात्तथागतिपरिणामाच्च |६|
आविद्धकुलालचक्रवद् व्यपगतलेपालाबुवदेरण्डबीजवदग्निशिखावच्च |७|
धर्मास्तिकायाभावात् |८|
क्षेत्र-काल-गति-लिंग-तीर्थ-चारित्र-प्रत्येकबुद्धबोधित-ज्ञानावगाहनान्तर-संख्याल्पबहुत्वत: साध्या: |९|
।। इति तत्त्वार्थसूत्रे मोक्षशास्त्रे दशमोऽध्याय: ।।१०।।
अक्षर-मात्रा-पद-स्वर-हीनं,व्यंजन-संधि-विवर्जित-रेफम् |
साधुभिरत्र मम क्षमितव्यं, को न विमुह्यति शास्त्रसमुद्रे ||१||
दशाध्याये परिच्छिन्ने, तत्त्वार्थे पठिते सति |
फलं स्यादुपवासस्य, भाषितं मुनिपुंगवै: ||२||
तत्त्वार्थसूत्र – कर्त्तारं, गृद्धपिच्छोपलक्षितम् |
वंदे गणीन्द्र – संजातमुमास्वामि – मुनीश्वरम् ||३||
पढम-चउक्के पढमं, पंचमए जाणि पुग्गलं तच्च |
छह-सत्तमे हि आस्सव, अट्ठमए बंधणादव्वं ||४||
णवमे संवर – णिज्जर, दहमे मोक्खं वियाणेहि |
इह सत्त – तच्च भणिदं, दह – सुत्ते मुणिवरिं देहिं ||५||
जं सक्कइ तं कीरइ, जं च ण सक्कइ तहेव सद्दहणं |
सद्दहमाणो जीवो, पावइ अजरामरं ठाणं ||६||
तवयरणं वयधरणं, संजम-सरणं च जीव-दया-करणं |
अंते समाहिमरणं, चउगई-दुक्खं णिवारे इ ||७||
अरहंत-भासियत्थं, गणहरदेवेहिं गंथियं सव्वं |
पणमामि भत्तिजुत्तो, सुदणाण-महोवयं सिरसा ||८||
गुरवो पांतु वो नित्यं, ज्ञान-दर्शन-नायका: |
चारित्रार्णव-गंभीरा: मोक्ष-मार्गोपदेशक:||९||
कोटिशतं द्वादशं चैव, कोट्यो लक्षाण्यशीतिस्त्र्यधिकानि चैव |
पंचाशदष्टौ च सहस्र-संख्यमेतद्श्रुतं पंचपदं नमामि ||१०||
।। इति तत्त्वार्थसूत्रापरनाम-तत्त्वार्थासूत्रे मोक्षशास्त्रं समाप्तम् ।।
